ВЕСТИ

Информации за најновите случувања

Од денес, на интернет страницата на Хенбо, активиран е сервис за он-лајн пријавување на полагања. Сите активни членови ќе добијат корисничко име и лозинка за да пристапат до делот за членството и да можат да го користат овој сервис.

prijava

 voskresenie Hristovo

За време на велигденските празници тренинзи нема да одржиме на:
1-ви, 3-ти и 6-ти мај. Среда, петок и понеделник. Ќе продолжиме на 8-ми во среда со редовни тренинзи.
И уште: Сезоната во сала ќе ја затвориме на средината на јуни, т.е. последниот тренинг во сала ќе биде на 14 јуни. После следува мала пауза и потоа продолжуваме со тренинзи во парк, како и секоја година.
Поздрав!

 

seminarski poster 2013 small

Семинарот ќе се одржи во три термини/тренинзи.
Семинарска такса: 1200 денари или 20 EUR.
Секој може да учествува. Учеството е на сопствен ризик.
За повеќе информации: Оваа е-адреса е заштитена од спамботови. Треба да ви е овозможено JavaScript за да ја видите.
тел: +389 70 764066

 

plakat - small

Ни претставува задоволство да ве поканиме на семинарот што ќе го води нашиот учител на 02.02.2013 (Сабота) во нашиот клуб.

Семинарот ќе биде продолжеток на претходниот што ја имаше тематиката - Запознавање со дидактичкиот систем на Масатоми Икеда сенсеи.
Ќе се содржи од два тренинга (по два часа) - детални објаснувања за учењето на мајсторот Икеда.
Сите учесници може да го добијат и претходниот семинар на ДВД - бесплатно (потребно е само да го нарачате претходно).
Семинарската такса е симболична: 400 денари, бидејќи настанот е спонзориран.
Повелете, ве очекуваме!
За повеќе информации: Оваа е-адреса е заштитена од спамботови. Треба да ви е овозможено JavaScript за да ја видите.
тел: +389 70 764066

Во понеделникот (17.12.2012) нашиот клуб беше почестен со посетата на двајца исклучителни мајстори - Антонио Албанезе 6.дан и неговата сопруга Луиза 4.дан. Антонио Албанезе е државен  технички управител во Италија за Меѓународната асоцијација на Кобајаши аикидо школата (Association International aikido Kobayashi ryu).Се надеваме дека наскоро ќе имаме повторно можност да ги видиме и да учиме од нив.

Учители, ви благодариме за посетата!

Antonio Albanese and Luisa

Нашиот клуб ја имаше честа да го презентира аикидото пред македонската јавност со помош на Сања и ТОП ФОРМА на телевизијата 24 ВЕСТИ:

Дојде денот. Да се посети местото на потеклото на нашава сакана вештина ќе биде голема возбуда. Го очекувам со нетрпение. По враќањето, ќе има материјал за раскажување. :) Посетете го сајтов за да прочитате. Domo arigato gozaimasu!

Japanese Flag with map

Дамјан Цингарски

Тренинзи ќе одржуваме во сала во редовните термини до крајот на јуни, а потоа, во јули и август, ќе вежбаме на отворено со меч и стап.
Термините за вежбање на отворено ќе ги објавиме кон крајот на месецот.
Исто така, во саботните утра од месеците јули и август ќе се одржуваат тренинзи за Хоџо. Доколку има заинтересирани , нека се пријават заради полесно организирање на групата.

sala ikedaОд 11 октомври (вторник) аикидо ќе можете да вежбате уште на една локација во Скопје, во населбата Кисела Вода. Сите заинтересирани за запишување потребно е да дојдат половина час пред почетокот на било кој од редовните тренинзи во:

Кисела Вода: вторник и четврток од 19:30 часот. Аикидо клуб „Икеда“.

Се гледаме на тренинг!

 

Искуствата се натрупуваат, а учењето никогаш не запира.

Минатиот викенд се одржа најавениот семинар во Нушател, Швајцарија, по повод 5 години од постоењето на клубот "Dojo de Neuchâtel - Espace Culturel" предводен од Ерик Граф 3.Дан Аикикаи. Поканети беа 10 аикидо учители од неколку земји и секој од нив одржа по еден тренинг. Заедно со почетниот и завршниот тренинг на домаќинот, во два дена имавме 12 тренинга. Многу. Но само во поинакви услови тоа ќе резултираше со незадоволство. Пријатната атмосфера што владееше до самиот крај, дури и покрај заморот им даде елан на сите да вежбаат посветено.

neuchatel aikido 2011

12 различни учители, 12 различни приоди кон подучувањето, 12 различни експресии, но сепак само ЕДНО аикидо. Нашава боречка вештина е како и секоја друга уметност или наука. И секој од нас во неа ќе научи понешто, многу или малку, плитко или длабоко, ама никој не може да научи се и тоа е добро, бидејќи тоа ќе остане како причина да се среќаваме и да разменуваме нови и нови искуства.

По завршетокот на семинарот имавме можност да вежбаме на еден редовен тренинг во Нушател, потоа го посетивме клубот во Офтринген и на крај во нашата аикидо Мека, кај учителот Микеле Кваранта сенсеи во Базел. Сите искуства повеќе од убави.

Голема благодарност до домаќинот за укажаната доверба и чест да предавам на овој семинар заедно со останатите 9 гости-предавачи. Им се заблагодарувам и на сите што учествуваа во јубилејниот семинар на клубот од Нушател и се надевам дека ваквите семинари ќе станат редовна практика за да се дружиме почесто.

Дамјан Цингарски

seminarski 2011 enweb

Во викендот на крајот од март (26 и 27 Март) нашиот клуб ќе го организира шестиот по ред семинар со учителот Микеле Кваранта од Базел, Швајцарија. Семинарот ќе биде отворен за сите заинтересирани.

Местото на одржување ќе биде салата на карате клубот РАБОТНИЧКИ (до ТЦ Беверли Хилс).

Распоред на термини:

Сабота 10:00-12:00 и 16:30-18:30

Недела 10:00-12:00

Такса: 1500 денари.