На 9 ноември 2013 - денот на ослободувањето на градот Велес, клубот Хенбо беше поканет да направи демонстрација на аикидо вештината во склоп на манифестацијата „Вечер на боречки вештини“ која во својот град петта година по ред ја организира Центарот за боречки вештини Бушидо од Велес. Домаќинот на овој настан, на клубот Хенбо и на Македонската аикидо федерација - Аикикаи Македонија им врачи благодарници за успешна соработка и поддршка на развојот на боречките вештини во Македонија.
Изминатиот викенд (26-27.10.2013) сенсеи Тоширо Суга одржа семинар на покана од аикидо клубот Хоши од Скопје. Присуствувавме на предавање на знаење и демонстрација на зафати кои ни го збогатија знаењето и од технички но и од методолошки аспект. Им благодариме на Кире и Мето за поканата!
Тренинзите за сезоната 2013-2014 почнуваат на 9-ти септември за возрасната група и на 11 септември за детската група. Термините се исти како и лани. Се гледаме наскоро во сала!
На 14.06.2013 се одржа првото полагање за нашите најмлади членови. Им честитаме и им посакуваме да вежбаат аикидо уште многу долго и да постигнат исклучително мајсторство.
Излезе новиот број на „Саншинкаи писмо“ списанието (Sanshinkai letter), публикација која ја подготвува Ерик Граф со помош на секој кој на некаков начин е поврзан и истражува на полето на Саншинкаи методологијата на Масатоми Икеда сенсеи и сака да придонесе во создавањето на содржината во списанието. Списанието е бесплатно и се објавува на веб сајтот на аикидо клубот во Нушател, Швајцарија - Aikido Ikeda Dojo de Neuchatel.
Ова е седми број по ред, и како и сите пред него, има исклучително корисни информации. Посебно издвојувајќи го написот со детални објаснувања и цртежи од Хоџо катата.
Кликнувајќи на сликата ќе го превземете овој последен, седми број, а на следниов линк ќе ги најдете и останатите броеви од „Саншинкаи писмо“ списанието.
www.dojo-ne.ch/en/downloads/san-shin-kai-letter
Од денес, на интернет страницата на Хенбо, активиран е сервис за он-лајн пријавување на полагања. Сите активни членови ќе добијат корисничко име и лозинка за да пристапат до делот за членството и да можат да го користат овој сервис.
За време на велигденските празници тренинзи нема да одржиме на:
1-ви, 3-ти и 6-ти мај. Среда, петок и понеделник. Ќе продолжиме на 8-ми во среда со редовни тренинзи.
И уште: Сезоната во сала ќе ја затвориме на средината на јуни, т.е. последниот тренинг во сала ќе биде на 14 јуни. После следува мала пауза и потоа продолжуваме со тренинзи во парк, како и секоја година.
Поздрав!
Ни претставува задоволство да ве поканиме на семинарот што ќе го води нашиот учител на 02.02.2013 (Сабота) во нашиот клуб.
Семинарот ќе биде продолжеток на претходниот што ја имаше тематиката - Запознавање со дидактичкиот систем на Масатоми Икеда сенсеи.
Ќе се содржи од два тренинга (по два часа) - детални објаснувања за учењето на мајсторот Икеда.
Сите учесници може да го добијат и претходниот семинар на ДВД - бесплатно (потребно е само да го нарачате претходно).
Семинарската такса е симболична: 400 денари, бидејќи настанот е спонзориран.
Повелете, ве очекуваме!
За повеќе информации: Оваа е-адреса е заштитена од спамботови. Треба да ви е овозможено JavaScript за да ја видите.
тел: +389 70 764066
Во понеделникот (17.12.2012) нашиот клуб беше почестен со посетата на двајца исклучителни мајстори - Антонио Албанезе 6.дан и неговата сопруга Луиза 4.дан. Антонио Албанезе е државен технички управител во Италија за Меѓународната асоцијација на Кобајаши аикидо школата (Association International aikido Kobayashi ryu).Се надеваме дека наскоро ќе имаме повторно можност да ги видиме и да учиме од нив.
Учители, ви благодариме за посетата!
Нашиот клуб ја имаше честа да го презентира аикидото пред македонската јавност со помош на Сања и ТОП ФОРМА на телевизијата 24 ВЕСТИ:
Дојде денот. Да се посети местото на потеклото на нашава сакана вештина ќе биде голема возбуда. Го очекувам со нетрпение. По враќањето, ќе има материјал за раскажување. :) Посетете го сајтов за да прочитате. Domo arigato gozaimasu!
Дамјан Цингарски
Скопје
