Месец на аикидо гостувања во клубот Хенбо

Месецов ги поканивме учителите од сите останати македонски аикидо клубови да одржат по еден тренинг во нашиот клуб.
Целта на овие гостувања е да се запознаат членовите на клубот со останатите аикидо школи и начини на вежбање, и секако да се воспостави пријателски однос и почит кон сите што го одат патот на аикидото како што тоа го правиме и ние. Им благодарам, сите се одѕваа на поканата, и се надевам на уште многу вакви и слични дружења.
Еве ги датумите :
11 понеделник - Аикидо клуб Пат кон мирот - Скопје
13 среда - Аикидо клуб Кобукан (МАА) - Скопје
15 петок - Аикидо клуб Зендокан (МАА) - Скопје
18 понеделник - Аикидо клуб Теншинкан - Скопје
20 среда - Аикидо клуб Агатсу - Куманово
22 петок - Аикидо клуб Аикикан - Тетово
25 понеделник - Аикидо клуб Хоши - Скопје
27 среда - Аикидо клуб Заншин - Куманово
29 петок - Аикидо клуб Кенбукан (МАА) - Битола

Тренинзите се одржуваат во нормалните термини за тренинг во клубот Хенбо (спортската сала на ОУ Ј.Х. Песталоци - Центар) од 20:30 часот. Отворени се за бесплатно учество на секој што е заинтерсиран.

Одржан јубилејниот семинар!

Наскоро повеќе информации од одржаниот семинар...

Што е тоа АИКИДО?

АИКИДО е боречка вештина. Но и многу повеќе од тоа. Аикидо е став кон светот. Тоа е препознавање на своето место во опкружувањето и хармонично вклопување во текот на енергиите во непосредната околина и пошироко. Само така вклопени, можеме да ги придвижиме нештата кон цел за која сметаме дека е вредна.

Како боречка вештина, аикидото се одликува со искористување на намерите и енергијата на противникот, и по природа е ненасилна. Техниките се изведуваат со потполна рамнотежа на телото и смиреност на духот.

Исклучително е ефикасна за правилно оформување на телото, градење на самодоверба и секако за самоодбрана.

aikido: natural motion flow

Аикидо и за деца

Аикидо можат да вежбаат и децата, почнувајќи од 6 или 7 годишна возраст. Програмата по која најмладите учат аикидо е дополнета со разни вежби за подобрување на моторичките способности (прецизно движење), задржување на вниманието, правилно дишење, градење на правилен личносен однос и тимска работа.

kids aikido exam